பூங்காவில் நடந்த துப்பாக்கிச்சூட்டில் படுகாயமடைந்தவர்களை சிகிச்சைக்காக மருத்துவமனையில் அனுமதித்துள்ளனர்.
அமெரிக்காவில் உள்ள கொலராடோ மாகாணத்தில் அரோரா என்ற நகரம் உள்ளது. இந்த நகரில் உள்ள ஒரு பள்ளியில் ஏராளமான சிறுவர்கள் கல்வி பயில்கின்றனர். மேலும் அந்த பள்ளியின் அருகே விளையாட்டு பூங்கா ஓன்று உள்ளது. அப்பூங்காவில் நிறைய சிறுவர்கள் விளையாடிக் கொண்டிருந்துள்ளனர். அப்போது திடீரென அங்கு புகுந்த மர்ம நபர்கள் துப்பாக்கிச்சூடு நடத்த தொடங்கியுள்ளனர்.
இந்த தாக்குதலில் 14 முதல் 17 வயதுக்குட்பட்ட 6 சிறுவர்கள் படுகாயமடைந்துள்ளனர். மேலும் அவர்கள் சிகிச்சைக்காக மருத்துவமனையில் அனுமதிக்கப்பட்டுள்ளனர். அதிலும் துப்பாக்கிச்சூடு நடத்தியவர்கள் யார்? எதற்காக தாக்குதல் நடத்தினார்கள் என்பது குறித்த தகவல்கள் இன்னும் வெளிவரவில்லை. குறிப்பாக துப்பாக்கிச் சூடு குறித்து போலீசார் தீவிர விசாரணை மேற்கொண்டு வருகின்றனர்.