தமிழ் சினிமாவில் உச்ச நட்சத்திரமாக ஜொலிப்பவர் தளபதி விஜய். இவர் பீஸ்ட் படத்தை தொடர்ந்து தற்போது வம்சி இயக்கத்தில் வாரிசு என்ற திரைப்படத்தில் நடித்து வருகிறார். இந்த படம் அடுத்த வருடம் பொங்கல் பண்டிகையை முன்னிட்டு ரிலீஸ் ஆகும் என்று கூறப்பட்ட நிலையில், படப்பிடிப்பு விறுவிறுப்பாக நடைபெற்று வருகிறது. இந்த படத்தில் ராஷ்மிகா மந்தனா, குஷ்பூ, மீனா, சங்கீதா, பிரகாஷ் ராஜ், ஷாம், சரத்குமார் மற்றும் யோகி பாபு உள்ளிட்ட பல பிரபலங்கள் முக்கிய வேடத்தில் நடிக்கின்றனர்.
இந்த படத்திற்கு பிறகு தளபதி விஜய் லோகேஷ் கனகராஜ் உடன் இணைய போவதாக தகவல்கள் வெளியாகியுள்ளது. தளபதி 67 திரைப்படத்தில் விஜய் கேங்ஸ்டர் ஆக நடிக்க இருப்பதாக கூறப்படும் நிலையில் திரிஷா ஹீரோயினாக நடிக்க இருப்பதாக கூறப்படுகிறது. இது குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.
இந்நிலையில் தளபதி 67 திரைப்படத்தில் பிரபல மலையாள நடிகர் பிரித்திவிராஜ், நடிகர் சஞ்சய் தத், நடிகர் அர்ஜுன் மற்றும் நடிகர் பிரகாஷ்ராஜ் உள்ளிட்டோர் வில்லன் கதாபாத்திரத்தில் நடிக்க இருப்பதாக கூறப்பட்ட நிலையில், கால்ஷீட் பிரச்சனையின் காரணமாக பிரித்திவிராஜ் படத்திலிருந்து விலகியதாக தற்போது புதிய தகவல் வெளியாகியுள்ளது. மேலும் இதன் காரணமாக மலையாள நடிகரான நிவின்பாலியை படத்தில் நடிக்க வைப்பதற்கான பேச்சுவார்த்தைகள் நடைபெற்று வருவதாக கூறப்படுகிறது. மேலும் பிரேமம் என்ற திரைப்படத்தின் மூலம் பிரபலமானவர் நடிகர் நிவின் பாலி என்பது குறிப்பிடத்தக்கதாகும்.