தமிழ் சினிமாவில் பிஸியான நடிகையாக வலம் வரும் பிரியா பவானி சங்கரின் அடுத்த படம் குறித்த தகவல் வெளியாகியுள்ளது.
சின்னத்திரையில் ஒளிபரப்பான சீரியல் மூலம் பிரபலமானவர் நடிகை பிரியா பவானி சங்கர். இதை தொடர்ந்து இவர் “மேயாதமான்” திரைப்படத்தின் மூலம் தமிழ் சினிமாவிற்கு அறிமுகமானார். இதை தொடர்ந்து இவர் நடித்த கடைக்குட்டி சிங்கம், மான்ஸ்டர் உள்ளிட்ட படங்கள் ரசிகர்களிடம் நல்ல வரவேற்பைப் பெற்றன.
இவர் நடிப்பில் தற்போது குருதி ஆட்டம், பொம்மை, ஓமணப்பெண்ணே போன்ற படங்கள் ரிலீசுக்கு தயாராகியுள்ளது. இதைத்தொடர்ந்து லாரன்ஸின் ருத்ரன், கமலின் இந்தியன் 2, சிம்புவின் பத்து தல, அருண் விஜய்33 உள்ளிட்ட ஏராளமான படங்களை பிரியா பவானி சங்கர் கைவசம் வைத்துள்ளார்.
இந்நிலையில் இவர் மற்றும் ஒரு பிரபல இயக்குநரின் படத்தில் நடிக்க ஒப்பந்தமாகியுள்ளார். அதன்படி நயன்தாராவின் ஐரா படத்தை இயக்கிய சர்ஜுன் இயக்கும் திரில்லர் கதையம்சம் கொண்ட படத்தில் பிரியா பவானி சங்கர் டிவி ரிப்போட்டர் நடிக்கிறார். கதாநாயகிக்கு முக்கியத்துவம் வாய்ந்த இப்படத்திற்கு யுவன் சங்கர் ராஜா இசையமைக்க உள்ளார். இப்படத்தின் படப்பிடிப்பு விறுவிறுப்பாக நடைபெற்று வருகிறது.