தமிழ் சினிமாவில் ஜெயம் ரவி நடிப்பில் வெளியான ‘கோமாளி’ படத்தின் மூலம் இயக்குனராக அறிமுகமானவர் பிரதீப் ரங்கநாதன். இந்த படம் ரசிகர்கள் மத்தியில் நல்ல வரவேற்பு பெற்றது. தற்போது இவர் இயக்கத்தில் சமீபத்தில் வெளியான திரைப்படம் ‘லவ் டுடே’. இந்த படத்தில் கதாநாயகனாக பிரதிப் ரங்கநாதன் நடித்துள்ளார்.
மேலும், இந்த படத்தில் சத்யராஜ், ராதிகா, இவானா மற்றும் பலர் முக்கிய கதாபாத்திரத்தில் நடித்துள்ளனர். கல்பாத்தி நிறுவனம் தயாரித்துள்ள இந்த திரைப்படம் ரிலீசாகி ரசிகர்கள் மத்தியில் நல்ல வரவேற்பு பெற்று ஓடிக் கொண்டுள்ளது. இந்த திரைப்படம் முதல் நாளில் 2.5 கோடி வசூலித்ததாகவும் இரண்டு நாட்களில் 5 கோடி வசூலித்ததாகவும் தகவல் வெளியாகியுள்ளது.
இந்நிலையில், இந்த படத்தின் மொத்த பட்ஜெட் குறித்த அப்டேட் இணையத்தில் வெளியாகியுள்ளது. அதன்படி, இந்த படத்தின் மொத்த பட்ஜெட்டே 5 கோடி தானாம். போட்ட பணத்தை சில நாட்களிலேயே எடுத்து தற்போது அசத்தலான வசூல் வேட்டை இந்த திரைப்படம் நடத்தி வருகிறது என்பது குறிப்பிடத்தக்கது.