சாலையில் நடந்து சென்ற பூசாரி மீது இரு சக்கர வாகனம் மோதி உயிரிழந்த சம்பவம் சோகத்தை ஏற்படுத்தியுள்ளது.
தர்மபுரி மாவட்டத்திலுள்ள அம்மாபாளையத்தில் பச்சையப்பன் என்பவர் வசித்து வந்துள்ளார். இவர் கரக பூசாரியாக பணிபுரிந்து வந்துள்ளார். இந்நிலையில் தனது வீட்டில் இருந்து பச்சையப்பன் கோவிலுக்கு நடந்து சென்று கொண்டிருந்திருக்கிறார். அப்போது எதிர்பாரா விதமாக எதிரே வந்த இரு சக்கர வாகனம் பச்சையப்பன் மீது மோதியுள்ளது.
இந்த விபத்தில் பலத்த காயமடைந்த பச்சையப்பனை அருகில் இருந்தவர்கள் மீட்டு அரசு மருத்துவமனைக்கு சிகிச்சைக்காக அனுப்பி வைத்துள்ளனர். அங்கு அவருக்கு அளிக்கப்பட்ட சிகிச்சை பலனின்றி பரிதாபமாக உயிரிழந்துள்ளார். மேலும் இது தொடர்பாக வழக்கு பதிவு செய்த காவல்துறையினர் தீவிர விசாரணை நடத்தி வருகின்றனர்.