தலைநகர் புதுடெல்லியில் கொரோனா நோய்த்தடுப்பு காரணமாக பிரதமர் மோடி தலைமையில் நாளை அமைச்சரவை கூட்டம் தொடங்க உள்ளது.
உலக நாடு முழுவதும் கடந்த ஒரு வருட காலத்திற்கு மேலாக கொரோனா நோய் பரவலால் மக்கள் பெரும் அச்சத்தில் மூழ்கியுள்ளது. சில மாதங்களாக இதனின் தாக்கம் குறைந்த நிலையில் மீண்டும் 2-வது அலையாக மின்னல் வேகத்தில் பரவி வருகின்றது. இதனை கட்டுப்படுத்த பலத்த கட்டுப்பாடுகள் விதிக்கப்பட்ட நிலையிலும் இதனை கட்டுக்குள் கொண்டு வரமுடியவில்லை. கொரோனா நோயாளிகளின் எண்ணிக்கை அதிகரித்துக் கொண்டே வருவதால் மருத்துவமனைகளில் படுக்கைகள் மற்றும் ஆக்ஸிஜன் பற்றாக்குறை அதிக அளவில் நிலவுகின்றன.
இந்நிலையில் கொரோனா பரவலை கட்டுப்படுத்துவது தொடர்பாக தலைநகர் டெல்லியில் பிரதமர் மோடி தலைமையில் மத்திய அமைச்சரவை கூட்டம் நாளை 11 மணி அளவில் தொடங்கப்பட உள்ளது. இந்த அமைச்சரவை கூட்டத்தில் தடுப்பு நடவடிக்கைகளை மேற்கொள்வது, படுக்கை வசதிகள், ஆக்சிஜன் பற்றாக்குறை, மருந்து இருப்பு உள்ளிட்டவைகள் குறித்து ஆலோசனை செய்யப்படுவதாக தகவல்கள் வெளிவந்துள்ளன.