கருப்பு பூஞ்சை நோய்க்கு தனியார் பள்ளி ஆசிரியர் பலியான சம்பவம் சோகத்தை ஏற்படுத்தியுள்ளது.
கிருஷ்ணகிரி மாவட்டத்தில் உள்ள ஜோடு கொத்தூர் கிராமத்தில் சின்ன ராஜ் என்பவர் வசித்து வந்துள்ளார். இவர் திருப்பத்தூர் மாவட்டத்தில் உள்ள இருமத்தூர் கிராமத்தில் இருக்கும் ஒரு தனியார் பள்ளியில் ஆசிரியராக வேலை பார்த்து வந்துள்ளார். இந்நிலையில் தனது சொந்த ஊருக்கு வந்த சின்னராஜுக்கு கொரோனா தொற்று இருப்பது உறுதி செய்யப்பட்டுள்ளது. இதனையடுத்து சென்னை ராஜீவ்காந்தி அரசு மருத்துவமனையில் சின்னராஜ் சிகிச்சைக்காக அனுமதிக்கப்பட்டுள்ளார்.
அப்போது அவருக்கு கருப்பு பூஞ்சை நோய் இருப்பதை மருத்துவர்கள் கண்டுபிடித்துள்ளனர். இதனையடுத்து தீவிர சிகிச்சை பிரிவில் அனுமதிக்கப்பட்ட சின்னராஜுக்கு மருத்துவர்கள் அளித்த சிகிச்சை பலனின்றி அவர் பரிதாபமாக உயிரிழந்து விட்டார். இவ்வாறு தனியார் பள்ளி ஆசிரியர் கருப்பு பூஞ்சை நோயால் உயிரிழந்த சம்பவம் அதிர்ச்சியை ஏற்படுத்தியுள்ளது.