8-வது புரோ கபடி லீக் போட்டியில் இன்று இரவு 9.30 மணிக்கு நடைபெறும் ஆட்டத்தில் தமிழ் தலைவாஸ் – தபாங் டெல்லி அணிகள் மோதுகின்றது.
12 அணிகள் பங்கேற்கும் 8-வது புரோ கபடி லீக் போட்டி பெங்களூரில் நடைபெற்று வருகிறது. இதில் தமிழ் தலைவாஸ் அணி விளையாடிய 3 போட்டியில் ஒரு தோல்வி, 2 டிராவை சந்தித்தது. இந்நிலையில் நேற்று நடந்த 4-வது ஆட்டத்தில் புனேரி பால்டன் அணியுடன் மோதியது. இதில் 36-26 என்ற கணக்கில் வெற்றி பெற்ற தமிழ் தலைவாஸ் அணி முதல் வெற்றியை பதிவு செய்தது. இந்நிலையில் இன்று இரவு 9.30 மணிக்கு நடைபெறும் ஆட்டத்தில் தமிழ் தலைவாஸ் அணி,தபாங் டெல்லியுடன் மோதுகின்றது .
இப்போட்டியில் தமிழ் தலைவாஸ் அணி 2-வது வெற்றியை கைப்பற்றுமா என ரசிகர்கள் ஆவலுடன் எதிர்பார்க்கின்றனர். இதுவரை 4 போட்டிகளில் விளையாடியுள்ள டெல்லி அணி 3 வெற்றி, ஒரு டிரா என 18 புள்ளிகளுடன் முதல் இடத்தில் உள்ளது . தமிழ் தலைவாஸ் அணி ஒரு வெற்றி , 2 டிரா , ஒரு தோல்வி என 11 புள்ளிகளுடன் 6-வது இடத்தில் உள்ளது .இதனிடையே இன்று இரவு 7.30 மணிக்கு நடைபெறும் ஆட்டத்தில் மும்பை- உ.பி. யோதா அணியும், 8.30 மணிக்கு நடைபெறும் ஆட்டத்தில் பெங்களூர்-தெலுங்கு டைட்டன்ஸ் அணியும் மோதுகின்றன.