புரோ கபடி லீக் போட்டியில் நேற்று இரவு நடந்த ஆட்டத்தில் பெங்கால் வாரியர்சை வீழ்த்தி பெங்களூர் அணி வெற்றி பெற்றது .
8-வது புரோ கபடி லீக் போட்டி பெங்களூரில் நடைபெற்று வருகிறது.இதில் நேற்று இரவு நடந்த தபாங் டெல்லி- குஜராத் ஜெயன்ட்ஸ் அணிகளுக்கிடையேயான ஆட்டம் 24-24 என்ற புள்ளிக் கணக்கில் சமனில் முடிந்தது . இதை தொடர்ந்து நடந்த மற்றொரு ஆட்டத்தில் பெங்களூரு புல்ஸ்- பெங்கால் வாரியர்ஸ் அணிகள் மோதின. இதில் 36-35 என்ற புள்ளி கணக்கில் பெங்களூர் அணி வெற்றி பெற்றது
இதில் அதிகபட்சமாக பெங்கால் வாரியர்ஸ் அணியின் கேப்டன் மனிந்தர் சிங் 17 புள்ளியும் , பெங்களூர் அணியின் கேப்டன்பவன் செராவத் 15 புள்ளியும் கைப்பற்றினர். இதனிடையே இன்று 7.30 மணிக்கு நடைபெறும் ஆட்டத்தில் தமிழ் தலைவாஸ் – யு மும்பா அணியும் , 8.30 மணிக்கு நடைபெறும் மற்றொரு ஆட்டத்தில் உ.பி.யோத்தா- ஜெய்ப்பூர் பிங்க் பாந்தர்ஸ் அணியும் மோதுகின்றன .