8-புரோ கபடி லீக் போட்டியில் நேற்று நடத்த ஆட்டத்தில் குஜராத்தை வீழ்த்தி அரியானா ஸ்டீலர்ஸ் வெற்றி பெற்றது .
12 அணிகள் பங்கேற்கும் 8-புரோ கபடி லீக் போட்டி பெங்களூரில் நடைபெற்று வருகிறது. இதில் நேற்று நடைபெற்ற ஆட்டத்தில் அரியானா ஸ்டீலர்ஸ் – குஜராத் ஜெயன்ட் அணிகள் மோதின. இதில் 38-36 என்ற கணக்கில் வெற்றி பெற்ற அரியானா அணி 2- வது வெற்றியை பதிவு செய்தது. இதைத் தொடர்ந்து மற்றொரு ஆட்டத்தில் பெங்களூரு புல்ஸ் – புனேரிபால்டன் அணிகள் பலப்பரீட்சை நடத்தின .இதில் முதல் பாதி ஆட்டத்தில் 13-18 என்ற கணக்கில் பெங்களூர் அணி பின்தங்கி இருந்தது .
இதன் பிறகு 2-வது பாதி ஆட்டத்தில் அதிரடியாக விளையாடிய பெங்களூர் அணி வெற்றிப்பாதைக்கு திரும்பியது. இறுதியாக 40-29 என்ற புள்ளிக் கணக்கில் பெங்களூர் அணி வெற்றி பெற்றது .இதனிடையே இன்று இரவு 7.30 மணிக்கு நடைபெறும் ஆட்டத்தில் பெங்கால் வாரியர்ஸ்-ஜெய்ப்பூர் பிங்க் பாந்தர்ஸ் அணியும், இரவு 8.30 மணிக்கு நடைபெறும் மற்றொரு ஆட்டத்தில் தெலுங்கு டைட்டன்ஸ்-பாட்னா பைரட்ஸ் அணியும் மோதுகின்றன.