8-வது புரோ கபடி லீக் போட்டியில் நேற்று இரவு நடந்த பெங்கால் -ஜெய்ப்பூர் அணிகளுக்கு இடையேயான ஆட்டத்தில் பெங்கால் அணி வெற்றி பெற்றது.
12 அணிகள் பங்கேற்கும் 8-வது புரோ கபடி லீக் போட்டி பெங்களூரில் நடைபெற்று வருகிறது.இதில் நேற்று இரவு நடைபெற்ற லீக் ஆட்டத்தில் பெங்கால் வாரியர்ஸ் -ஜெய்ப்பூர் பிங்க் பாந்தர்ஸ் அணிகள் மோதின .இதில் விறுவிறுப்பாக நடைபெற்ற இப்போட்டியில் 31-28 என்ற புள்ளி கணக்கில் பெங்கால் வாரியர்ஸ் அணி 3-வது வெற்றியை ருசித்தது .
இதைதொடர்ந்து நடந்த மற்றொரு ஆட்டத்தில் தெலுங்கு டைட்டன்ஸ்- பாட்னா பைரட்ஸ் அணிகள் மோதின.இப்போட்டியில் 31-30 .என்ற புள்ளி கணக்கில் பாட்னா அணி வெற்றி பெற்றது இதனிடையே இன்று இரவு 7.30 மணிக்கு நடைபெறும் ஆட்டத்தில் ஹரியானா ஸ்டீலர்ஸ்- மும்பை அணியும், 8.30 மணிக்கு நடைபெறும் மற்றொரு ஆட்டத்தில் உ.பி.யோத்தா- தமிழ் தலைவாஸ் அணியும் பலப்பரீட்சை நடத்துகின்றன.