8-வது புரோ கபடி லீக் போட்டியில் நேற்றிரவு நடைபெற்ற ஆட்டங்களில் உ.பி.யோத்தா மற்றும் குஜராத் ஜெயன்ட்ஸ் அணிகள் வெற்றி பெற்றுள்ளது.
8-வது புரோ கபடி லீக் போட்டி பெங்களூரில் விறுவிறுப்பாக நடைபெற்று வருகிறது.இதில் நேற்றிரவு நடந்த லீக் ஆட்டத்தில் உ.பி.யோத்தா – தமிழ் தலைவாஸ் அணிகள் பலப்பரீச்சை நடத்தின. இதில் 41-39 என்ற புள்ளி கணக்கில் வெற்றி பெற்ற உ.பி. யோத்தா அணி 7-வது வெற்றியை ருசித்தது. இதைத் தொடர்ந்து நடந்த மற்றொரு ஆட்டத்தில் தெலுங்கு டைட்டன்ஸ் – குஜராத் ஜெயன்ட்ஸ் அணிகள் மோதின.
இதில் 34-32 என்ற புள்ளி கணக்கில் குஜராத் ஜெயன்ட்ஸ் அணி வெற்றி பெற்றது. இதனிடையே இன்று இரவு 7.30 மணிக்கு நடைபெறும் ஆட்டத்தில்பெங்கால் வாரியர்ஸ்-தபாங் டெல்லி அணியும்,இரவு 8.30 ,மணிக்கு நடைபெறும் மற்றொரு ஆட்டத்தில் புனேரி பால்டன்-பாட்னா பைரட்ஸ் அணியும் மோதுகின்றன.