‘அஜித்தை நாயகனாக அறிமுகப்படுத்திய தயாரிப்பாளர் சிரமத்தில் இருக்கிறார்’

மின்னல் முருகன் இயக்கத்தில் அறிமுக நாயகன் கமல் கோவிந்தராஜ் தயாரித்து நடித்துள்ள படம் ‘புறநகர்’. இந்த படத்தின் இசை வெளியீட்டு விழா சென்னை சாலிகிராமத்தில் உள்ள பிரசாத் லேபில் நடைபெற்றது. இதில் இயக்குநர் கே. பாக்யராஜ் , தயாரிப்பாளர் கே.ராஜன், இயக்குநர் ஆர்.வி.உதயகுமார், நடிகர்கள் மன்சூர் அலிகான், அபி சரவணன், சண்டை கலைஞர் ஜாகுவார் தங்கம், படத்தின் கதாநாயகன் கமல் கோவிந்த்ராஜ், இயக்குநர் மின்னல் முருகன் உள்ளிட்டோர் கலந்துகொண்டனர்.

இப்போது சினிமாக்காரர்கள் அரசை கண்டிப்பதும், பிறகு மன்னிப்புக் கேட்பதும் தற்போது நடைமுறையில் இருக்கிறது. அஜித்தை சோழா பொன்னுரங்கம் எனும் தயாரிப்பாளர் கதாநாயகனாக்கினார். தற்போது அவர் சிரமத்தில் இருக்கிறார். ஆனால் அஜித், ஸ்ரீதேவி கணவருக்கு படம் நடித்து கொடுக்கிறார். இதன்மூலம் அஜித் கணக்கில் சில கோடி ரூபாய் வருமானம் சேரும். கதாநாயகர்கள் தங்களை அறிமுகப்படுத்திய தயாரிப்பாளர்களை ஒருபோதும் மறக்கக் கூடாது என்றார்.