பேரறிவாளன் உள்ளிட்ட 7 பேரை விடுதலை செய்ய வேண்டும் என ஆர்ப்பாட்டத்தில் ஈடுபட்ட சம்பவம் பரபரப்பை ஏற்படுத்தியுள்ளது.
கிருஷ்ணகிரி மாவட்டத்திலுள்ள ஓசூரில் தமிழ் தேச குடியரசு இயக்கம் சார்பில் பேரறிவாளன், நளினி, முருகன், சாந்தன் போன்ற 7 பேரை விடுதலை செய்ய வேண்டும் என்று ஆர்ப்பாட்டம் நடைபெற்றுள்ளது. இந்த ஆர்ப்பாட்டத்திற்கு மைய பொறுப்பாளர் தமிழரசன் என்பவர் தலைமை தாங்கியுள்ளார். அதன் பின் ராம்நகர் அண்ணா சிலை அருகே நடைபெற்ற இந்த ஆர்ப்பாட்டத்திற்கு ராமமூர்த்தி வரவேற்புரை அளித்தார்.
இந்த ஆர்ப்பாட்டத்தில் விடுதலை சிறுத்தைகள் கட்சியின் தொகுதி செயலாளர் ராமச்சந்திரன், பாப்புலர் ப்ரண்ட் ஆப் இந்தியா அமைப்பின் மாவட்ட தலைவர் முகமது, மாவட்ட தி.க தலைவர் வன வேந்தன் மற்றும் எஸ். டி. பி. ஐ கட்சியின் மாவட்ட துணைத்தலைவர் ஷாநவாஸ் போன்ற பலர் கலந்து கொண்டு இந்த ஆர்ப்பாட்டத்தில் பேசியுள்ளனர். இதன் முடிவில் விக்னேஷ் என்பவர் அனைவருக்கும் நன்றி தெரிவித்துள்ளார்.