இயக்குனர் விஜய் ஸ்ரீ ஜி-யின் பப்ஜி (பொல்லாத உலகில் பயங்கர கேம்) படத்தில் மூன்று புதுமுக நடிகைகள் நடிக்க உள்ளனர்.
தாதா 87 படத்தை இயக்கிய இயக்குனர் விஜய் ஸ்ரீ ஜி-யின் புதிய படமான பப்ஜி (பொல்லாத உலகில் பயங்கர கேம்) படத்தில் ஐஸ்வர்யா தத்தா நாயகியாக நடித்து வருகிறார். நடிகர் விக்ரமின் மருமகன் அர்ஜூமன், பிக் பாஸ் ஜூலி, மொட்ட ராஜேந்திரன் உள்ளிட்ட பலர் நடித்து வருகின்றனர்.
மேலும் இப்படத்தில் மூன்று புதுமுக நடிகைகள் நடிக்க உள்ளதாக தகவல் வெளியானது. அதனை உறுதி செய்யும் வகையில் கேரளாவை சேர்ந்த அனித்ரா நாயர், பெங்களூரை சேர்ந்த நிவேதா பட்டுலா மற்றும் தமிழகத்தை சேர்ந்த சாந்தினி ஆகியோர் நடிக்க உள்ளதாக படக்குழு அறிவித்துள்ளது.
காமெடி கலந்த திரில்லர் படமாக அமையவுள்ளதால் இத்திரைப்படம் மக்களிடம் இருந்து நல்ல வரவேற்பை பெரும் என்று எதிர்பார்க்கப்படுவதாக படக்குழுவினர் தெரிவித்துள்ளனர்.
