ஜம்மு-காஷ்மீரில் நடைபெற்ற துப்பாக்கி சண்டையில் 3 தீவிரவாதிகள் சுட்டுக் கொல்லப்பட்டனர்.
உலகில் கொரோனா தாக்குதல் மட்டுமில்லாமல் தீவிரவாத தாக்குதல்களும் அவ்வப்போது சில நாடுகளில் நடந்து கொண்டுதான் இருக்கிறது. அந்த வகையில் புல்வாமாவில் அடிக்கடி தீவிரவாத தாக்குதல் நடைபெறுகிறது. இந்த தாக்குதலில் தீவிரவாதிகள் மற்றும் போலீஸ் படையினர் தாக்குதல் நடத்தி வீரர்களும் தீவிரவாதிகளும் பலியாகி வருகின்றனர். இந்நிலையில், ஜதூரா என்ற பகுதியில், ராணுவம், சிஆர்பிஎஃப் போன்ற படைவீரர்கள் இன்று அதிகாலை தீவிரவாதிகளை தேடும் வேட்டையில் தீவிரமாக இறங்கி மோதலில் ஈடுபட்டனர்.
அந்த சமயத்தில் அங்கு பெரிய துப்பாக்கி சண்டை ஏற்பட்டது. இந்தத் துப்பாக்கிச் சூடு சண்டையில் தீவிரவாதிகளுடன் மோதி 3 தீவிரவாதிகளைை ராணுவ வீரர்கள் என்கவுண்டர் செய்தனர். இந்தத் துப்பாக்கிச் சண்டை மோதலில் ராணுவ வீரர் ஒருவரும் படுகாயமடைந்து, மருத்துவமனையில் சேர்க்கப்பட்ட நிலையில், உயிரிழந்து விட்டார். மேலும் இந்தத் தாக்குதலின் போது தீவிரவாதிகள் வைத்திருந்த ஆயுதங்கள், வெடிபொருட்கள் பறிமுதல் செய்யப்பட்டன. அதுமட்டுமில்லாமல் சென்ற 24 மணி நேரத்தில் இரு வெவ்வேறு இடங்களில் நடந்த என்கவுன்ட்டர்களில் 7 தீவிரவாதிகள் சுட்டுக் கொல்லப்பட்டுள்ளனர்.