இந்த போட்டி எங்களுக்கு ஒரு மோசமான போட்டியாக அமைந்து விட்டது என்று பஞ்சாப் அணியின் கேப்டன் கேஎல் ராகுல் வருத்தம் தெரிவித்துள்ளார்..
ஐபிஎல் தொடரின் ஒன்பதாவது லீக் போட்டி நேற்று சார்ஜா மைதானத்தில் நடைபெற்றது. இந்த போட்டியில் ஸ்டீவன் ஸ்மித் தலைமையிலான ராஜஸ்தான் ராயல்ஸ் அணியும், கேஎல் ராகுல் தலைமையிலான பஞ்சாப் அணியும் பலப்பரீட்சை நடத்தின.. இதில் டாஸ் வென்ற ராஜஸ்தான் அணி பந்துவீச்சை தேர்வு செய்தது.. அதன்படி களமிறங்கிய பஞ்சாப் அணியின் கேப்டன் ராகுல் மற்றும் மயங்க் அகர்வால் தொடக்க வீரராக களம் இறங்கி அதிரடியாக ஆடினர்.. இதனால் பஞ்சாப் அணி 20 ஓவர்கள் முடிவில் 2 விக்கெட் இழந்து 223 ரன்களை குவித்தது..
அதிரடியாக விளையாடிய மயங்க் அகர்வால் 50 பந்துகளில் 106 ரன்களையும், கேஎல் ராகுல் 54 பந்துகளில் 69 ரன்களும் எடுத்தனர்.. மேலும் நிக்கோலஸ் பூரன் 25 ரன்கள் எடுத்தார்.. பின்னர் 224 ரன்கள் என்ற இமாலய இலக்கை நோக்கி ராஜஸ்தான் ராயல்ஸ் அணியில் கேப்டன் ஸ்மித் மற்றும் ஜோஸ் பட்லர் இருவரும் தொடக்க வீரர்களாக களமிறங்கினர்.. இதில் சுமித் அருமையாக ஆடினார்.. ஆனால் காட்ரெல் பந்துவீச்சில் பட்லர் 4 ரன்களில் ஆட்டமிழந்து நடையை கட்டினார்..
இதனையடுத்து கடந்த போட்டியில் அதிரடியாக ஆடிய சஞ்சு சாம்சன் கேப்டன், ஸ்டீவ் ஸ்மித் இருவரும் கைகோர்த்தனர்.. இருவரும் பஞ்சாப் பந்துவீச்சை நாலாபுறமும் சிதறடித்தனர்.. தங்களுக்கும் அதிரடியாக ஆட தெரியும் என்பதை நிரூபிக்கும் வகையில் இவர்களது அடி இருந்தது.. பவர் பிளேயில் அதிரடியாக ஆடி 60க்கும் மேற்பட்ட ரன்களை குவித்தனர்.. அதன்பின் சாம்சன் வழக்கம்போல சிக்ஸர்களை பறக்கவிட்டார்.. சிறப்பாக ஆடிய கேப்டன் ஸ்மித் 27 பந்துகளில் 50 ரன்கள் குவித்து ஆட்டமிழந்தார்..
இதனையடுத்து 17 வது ஓவரில் சாம்சன் 42 பந்துகளில் 85 ரன்களில் ஆட்டமிழந்தார்.. இதனால் ஆட்டத்தில் பரபரப்பு நிறைந்தது.. கடைசியில் ராகுல் திவேதியா காட்ரெல் வீசிய 18-வது ஓவரில் தொடர்ந்து 5 சிக்ஸர்களை பறக்கவிட்டு பஞ்சாப் வீரர்களை பதறவிட்டார்.. தொடக்கத்தில் ஆமை வேகத்தில் ஆடிக்கொண்டு இருந்த அவர் பின்னர் சூறாவளியாக மாறியது அந்த அணியினருக்கு வெற்றியை பரிசாக கொடுத்தது.. திவேதியா 31 பந்துகளில் 53 ரன்கள் எடுத்தார்.. இதனால் ராஜஸ்தான் அணி 19.2 ஓவர்களில் 226 ரன்கள் எடுத்து வெற்றி பெற்றது.. இதன்மூலம் ஐபிஎல் வரலாற்றிலேயே அதிக சேசிங் செய்த அணி என்ற பெருமையை பெற்றுள்ளது
பின்னர் தோல்வி குறித்து பஞ்சாப் அணியின் கேப்டன் கே எல் ராகுல் பேசியதாவது, டி20 கிரிக்கெட் போட்டியில் இதுபோன்ற பல விஷயங்களை நாம் பல ஆண்டுகளாக பார்த்துக்கொண்டு வருகிறோம்.. இந்த போட்டியில் அனைத்துமே நாங்கள் சரியாகத்தான் செய்தோம்.. எங்களது ஆட்டத்தில் எந்தவிதமான குறைபாடும் கிடையாது.. நல்லவிதமாகவே முதல் இன்னிங்சை விளையாடினோம்.. சொல்லப் போனால் முதலில் எங்கள் கையில் தான் ஆட்டம் இருந்தது என்று நாங்கள் நினைத்தோம்.. ஆனால் கடைசியில் அதை ராஜஸ்தான் ராயல்ஸ் ஆணிடம் நாங்களே கொடுத்துவிட்டோம்..
ராஜஸ்தான் அணி இறுதி ஓவர்களில் ஆடிய விதம், உண்மையை சொல்லப் போனால் எங்களது பந்து வீச்சாளர்களை மிகுந்த மன அழுத்தத்தை கொண்டு சென்றுவிட்டது.. அதன் காரணமாக அவர்கள் தவறு செய்து விட்டனர்.. கடைசியாக நடந்த 2 போட்டியிலும் ராஜஸ்தான் அணி வீரர்கள் சிறப்பாக விளையாடினார்கள்.. இந்த போட்டி எங்களுக்கு ஒரு மோசமான போட்டியாக அமைந்து விட்டது. இருப்பினும் தொடரின் தொடக்கத்திலேயே இந்த தோல்வி அமைந்திருப்பது சற்று நிம்மதியை தருகிறது என்றார்..
மேலும் இதுபோன்ற ஆட்டங்கள் எங்களுக்கு ஒரு பாடமாக அமைந்துள்ளது.. ஏனென்றால் இன்று இது போன்ற சிறிய மைதானங்களில் எவ்வளவு ரன்கள் அடித்தாலும் போதாது.. மேலும் எங்களது பந்து வீச்சாளர்கள் இன்னும் சிறப்பாக செயல்பட வேண்டியுள்ளது.. ராஜஸ்தான் அணியில் சாம்சன் மற்றும் ராகுல் திவேதியா ஆகியோர் சிறப்பாக ஆடினார்கள்.. அவர்கள் இந்த வெற்றிக்கு பொருத்தமானவர்கள் என்றும் ராகுல் கூறினார்..