புரட்டாசி மாதம் இரண்டாவது சனிக்கிழமை ஒட்டி சென்னை திருவல்லிக்கேணி பார்த்தசாரதி கோவிலில் பக்தர்கள் கூட்டம் அலைமோதியது.
புண்ணியம் மிகுந்த புரட்டாசி மாதத்தில் பெருமாளை வணங்குவது பல்வேறு பலன்களை தரும் என்பது ஐதீகம். குறிப்பாக புரட்டாசி சனிக்கிழமைகளில் பெருமாளுக்கு சிறப்பு வழிபாடுகள் நடைபெறுவது வழக்கம். புரட்டாசி மாதம் இரண்டாவது சனிக்கிழமையான நேற்று சென்னை திருவல்லிக்கேணி பார்த்தசாரதி கோவிலில் பெருமாளை தரிசிக்க பக்தர்கள் அதிகளவில் கூடினர். முக கவசம் அணிந்து வரும் பக்தர்கள் மட்டுமே கோவிலுக்குள் அனுமதிக்க பட்டனர்.
பக்தர்களுக்கு கைகளை சுத்தம் செய்ய கிருமிநாசினி கொடுக்கப்பட்டு வெப்பநிலை கண்டறியப்பட்டது. இதேபோல் சென்னை தியாகராயநகரில் திருமலை திருப்பதி தேவஸ்தானத்திற்கு சொந்தமான பெருமாள் கோவிலில் புரட்டாசி இரண்டாவது சனிக்கிழமையை ஒட்டி சிறப்பு வழிபாடு நடைபெற்றது. பக்தர்கள் வரிசையில் காத்திருந்து சுவாமி தரிசனம் செய்தனர்.