ராஜமவுலி இயக்கத்தில் வெளியாகிய “பாகுபலி” திரைப்படத்தின் வாயிலாக இந்தியா முழுவதும் பிரபலமானவர் நடிகர் பிரபாஸ். பாகுபலி திரைப்படத்தின் 2ஆம் பாகமும் ரசிகர்கள் மத்தியில் நல்ல வரவேற்பை பெற்றது. இப்படத்திற்கு பின் பிரபாஸ் பான் இந்தியா படங்களில் மட்டுமே கவனம் செலுத்தி வருகிறார். அந்த அடிப்படையில் சூப்பர் ஹிட் அடித்த கேஜிஎப் படத்தின் இயக்குனர் பிரசாந்த் நீல் இயக்கத்தில் “சலார்” படத்தில் பிரபாஸ் நடித்து வருகிறார். இத்திரைப்படத்தின் சூட்டிங் மும்முரமாக நடந்து வருகிறது.
அதேபோல் பிரபாஸ் நடிப்பில் உருவாகிவரும் “ஆதிபுரூஷ்” திரைப்படம் அடுத்த வருடம் வெளியாக உள்ளது. மற்றொரு திரைப்படமான புரொஜெக்ட் கே படப்பிடிப்பும் நடந்து வருகிறது. இந்நிலையில் டைரக்டர் சுகுமார் இயக்கத்தில் பிரபாஸ் நடிக்க உள்ளார். பான் இந்தியா திரைப்படமாக உருவாகும் இந்த படத்தை அபிஷேக் அகர்வால் தயாரிக்க இருகிறார். இப்படம் வருகிற 2024ம் வருடம் தொடங்க உள்ளது. சுகுமாருடன் பிரபாஸ் கூட்டணி அமைய இருப்பது எதிர்ப்பார்ப்பை ஏற்படுத்தி இருக்கிறது. தற்போது “புஷ்பா-2” திரைப்படத்தை டைரைக்டர் சுகுமார் இயக்குகிறார் என்பது குறிப்பிடத்தக்கது.