”அஜித் 62” படம் குறித்த சூப்பரான அப்டேட் வெளியாகியுள்ளது.
தமிழ் திரையுலகில் பிரபல முன்னணி நட்சத்திரங்களில் ஒருவராக வலம் வருபவர் நடிகர் அஜித். இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. இவர் வலிமை திரைப்படத்தை தொடர்ந்து தற்போது வினோத் இயக்கத்தில் உருவாகும் ‘துணிவு’ படத்தில் நடித்து வருகிறார்.
இந்த படத்தின் படபிடிப்புகள் முடிவடைந்து தற்போது டப்பிங் பணிகள் தொடங்கியுள்ளன. போனிகபூர் தயாரித்துள்ள இந்த படம் வருகிற பொங்கல் பண்டிகைக்கு ரிலீசாக உள்ளது. மேலும் விஜய் நடிக்கும் ‘வாரிசு’ திரைப்படமும் பொங்கலுக்கு ரிலீசாகிறது.
இதனையடுத்து, இவர் இயக்குனர் விக்னேஷ் சிவன் இயக்கத்தில் தனது 62 வது படத்தில் நடிக்க ஒப்பந்தமாகியுள்ளார். இந்நிலையில், இந்த படம் குறித்த சூப்பரான அப்டேட் வெளியாகியுள்ளது. அதன்படி, இந்த படத்தில் நடிகை திரிஷா கதாநாயகியாக நடிக்க இருப்பதாக புதிய தகவல் வெளியாகியுள்ளது. இதனால் ரசிகர்கள் மிகுந்த எதிர்பார்ப்பில் உள்ளனர்.