‘பொன்னியின் செல்வன்’ திரைப்படம் OTT ரிலீஸ் குறித்த தகவல் வெளியாகியுள்ளது.
தமிழ் திரையுலகில் பிரபல இயக்குனராக வலம் வருபவர் மணிரத்தினம். இவர் இயக்கத்தில் சமீபத்தில் வெளியான திரைப்படம் ”பொன்னியின் செல்வன்”. இந்த படத்தில் கார்த்தி, விக்ரம், ஜெயம் ரவி, ஐஸ்வர்யா ராய், திரிஷா மற்றும் பலர் நடித்துள்ளனர். இதுவரை இந்த திரைப்படம் உலகம் முழுவதும் 470 கோடிக்கு மேல் வசூல் செய்துள்ளதாக கூறப்படுகிறது.
இன்னும் பல திரையரங்கில் இந்த படம் ஓடிக் கொண்டிருப்பதால் இந்த படத்தின் வசூல் 500 கோடியை எட்டும் என எதிர்பார்க்கப்படுகிறது. இந்நிலையில், இந்த திரைப்படம் OTT யில் ரிலீசாக இருப்பதாக தகவல் வெளியாகியுள்ளது. தமிழ், இந்தி, தெலுங்கு, மலையாளம் ,கன்னடம் என ஐந்து மொழிகளில் இந்த திரைப்படம் 125 கோடிக்கு விலை போய் உள்ளதாக தகவல்கள் வெளியாகியுள்ளது.
இதனையடுத்து, இந்த திரைப்படம் வரும் நவம்பர் மாதத்தில் OTT தளத்தில் ரிலீசாகலாம் என எதிர்பார்க்கப்படுகிறது. விரைவில் தேதியை வெளியிட உள்ளனர். மேலும், இந்த படம் OTT தளத்திலும் புதிய சாதனை படைக்கும் என எதிர்பார்க்கப்படுகிறது.