விக்ரம் பிரபல நடிகருக்கு வில்லனாக நடிக்க இருப்பதாக தகவல் வெளியாகியுள்ளது.
தமிழ் திரையுலகின் பிரபல முன்னணி நடிகராக வலம் வருபவர் விக்ரம். இவர் நடிப்பில் தற்போது பொன்னியின் செல்வன், கோப்ரா போன்ற திரைப்படங்கள் உருவாகியுள்ளன. சமீபத்தில் இவர் நடிப்பில் வெளியான ”மகான்” திரைப்படம் ரசிகர்களிடையே நல்ல வரவேற்பை பெற்றது. இதனையடுத்து, இவர் பிரபல இயக்குனர் பா.ரஞ்சித் இயக்கத்தில் புதிய படத்தில் நடிக்கவிருக்கிறார் என்பது குறிப்பிடத்தக்கது.
மேலும், இந்த திரைப்படம் எப்போது தொடங்கும் என ரசிகர்கள் எதிர்பார்த்துக் கொண்டிருக்கின்றனர். இந்நிலையில், விக்ரம் பிரபல நடிகருக்கு வில்லனாக நடிக்க இருப்பதாக தகவல் வெளியாகியுள்ளது. அதன்படி, தெலுங்கு நடிகர் மகேஷ் பாபுவிற்கு இவர் வில்லனாக நடிக்க இருப்பதாகவும், இந்த படத்தை இயக்குனர் திரிவிக்ரம் இயக்க இருப்பதாகவும் கூறப்படுகிறது. விரைவில் இதுகுறித்து அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.