தமிழ் சினிமாவில் மாநகரம் என்ற திரைப்படத்தின் மூலம் இயக்குனராக அறிமுகமானவர் லோகேஷ் கனகராஜ். இந்த படத்திற்கு பிறகு லோகேஷ் இயக்கத்தில் கார்த்தி நடிப்பில் வெளியான கைதி திரைப்படம் சூப்பர் ஹிட் ஆனது. அதன் பிறகு நடிகர் விஜய்யை வைத்து மாஸ்டர் மற்றும் கமல்ஹாசனுடன் இணைந்து விக்ரம் போன்ற திரைப்படங்களை லோகேஷ் இயக்கினார். லோகேஷ் இயக்கத்தில் வெளியான அனைத்து படங்களும் சூப்பர் ஹிட் ஆக குறுகிய காலத்தில் முன்னணி இயக்குனராக உயர்ந்துள்ளார். இவர் தற்போது தளபதி 67 திரைப்படத்தை இயக்க இருக்கிறார்.
இந்த படத்திற்குப் பிறகு கைதி 2 திரைப்படத்தையும் அடுத்த வருடத்தில் தொடங்க இருக்கிறார். இந்த தகவலை நடிகர் கார்த்தி உறுதிப்படுத்தியுள்ளார். இந்நிலையில் கைதி 2 திரைப்படத்தில் நடிக்கும் வில்லன் கதாபாத்திரம் குறித்த தகவல் வெளியாகியுள்ளது. அதன்படி ராகவா லாரன்ஸ் வில்லனாக நடிக்க இருப்பதாக கூறப்படுகிறது. மேலும் நடிகர் சூர்யா ரோலக்ஸ் கதாபாத்திரத்தில் நடித்தது சூப்பர் ஹிட் ஆன நிலையில், ராகவா லாரன்ஸ் வில்லனாக நடிக்கிறார் என்ற தகவல் ரசிகர்கள் மத்தியில் பெரிய எதிர்பார்ப்பை ஏற்படுத்தியுள்ளது.
