தமிழ் சினிமாவில் முன்னணி காமெடி கதாநாயகனாக வலம் வருபவர் வடிவேலு. இவர் தற்போது நாய் சேகர் ரிட்டன்ஸ் என்ற திரைப்படத்தில் ஹீரோவாக நடித்து வருகிறார். இப்படத்தை சுராஜ் இயக்க, லைகா நிறுவனம் தயாரிக்கிறது. இப்படத்தில் ஷிவானி நாராயணன் முக்கிய வேடத்தில் நடிக்க, சந்தோஷ் நாராயணன் இசையமைத்துள்ளார்.
இந்த படம் டிசம்பர் 9-ம் தேதி திரையரங்குகளில் ரிலீஸ் ஆகும் என்று அறிவிக்கப்பட்டுள்ள நிலையில், சமீபத்தில் வடிவேலு குரலில் வெளியான அப்பத்தா பாடல் மற்றும் பணக்காரன் பாடல்கள் ரசிகர்கள் மத்தியில் அமோக வரவேற்பை பெற்றது. அதன்பிறகு படத்தின் டிரைலர் வீடியோவும் ரசிகர்களிடம் நல்ல வரவேற்பை பெற்றது. இந்நிலையில் நாய் சேகர் ரிட்டன்ஸ் படத்தின் 3-வது பாடலை படக்குழுவினர் வெளியிட்டுள்ளது. மேலும் வடிவேலு குரலில் வெளியாகியுள்ள நான் டீசன்டான ஆளு என்ற பாடல் தற்போது வலைதளத்தில் படு வைரலாகி வருகிறது.