சாலையில் முறிந்து விழுந்த ராட்சத மதத்தை தீயணைப்புத்துறையினர் வெட்டி அப்புறப்படுத்தியுள்ளனர்.
நீலகிரி மாவட்டத்தில் உள்ள கூடலூர் மற்றும் அதனை சுற்றியுள்ள பகுதிகளில் கடந்த சில நாட்களாக கனமழை பெய்து வருகிறது. இந்நிலையில் கூடலூரில் இருந்து மலப்புரம் செல்லும் சாலையில் இருக்கும் பழமையான ராட்சச மரம் திடீரென முறிந்து விழுந்து விட்டது. இதனால் அப்பகுதியில் போக்குவரத்து முற்றிலுமாக பாதிக்கப்பட்டுள்ளது.
இதுகுறித்து தகவல் அறிந்த தீயணைப்பு படை வீரர்கள் கன மழையினால் முறிந்து விழுந்த 100 ஆண்டுகள் பழமையான அந்த ராட்சச மரத்தை வெட்டி அப்புறப்படுத்த முயற்சி செய்துள்ளனர். இதனையடுத்து சுமார் 4 மணி நேரத்திற்கு பிறகு பழமையான அந்த ராட்சச மரத்தை தீயணைப்புத்துறையினர் வெட்டி அப்புறப்படுத்தியுள்ளனர். அதன் பிறகே அப்பகுதியில் போக்குவரத்து சரி செய்யப்பட்டுள்ளது.