அரியலூர் மாவட்டம் ஜெயங்கொண்டம் அருகே திறந்தவெளியில் பராமரிப்பு இல்லாமல் இருந்த சோழர் கால சிவலிங்கம் பொதுமக்கள் வழிபாட்டிற்கு வைக்க வேண்டும் என்றும் பக்தர்கள் கோரிக்கை விடுத்துள்ளனர்.
அரியலூர் மாவட்டம் அருகே விக்கிரவாண்டி தஞ்சாவூர் நான்கு வழி சாலை அமைப்பதற்கான பணிகள் நடைபெற்று வருகின்றது. சாலை அகலப்படுத்தும் பணியின்போது குளக்கரையில் ஒருபுறமாக சிவலிங்கம் ஒன்று கிடந்துள்ளது. இந்த சிவலிங்கம் மழையில் நனைந்தபடி கேட்பாரற்று சாலையின் ஓரம் கிடந்துள்ளது. இது மனதிற்கு வேதனை அளிப்பதாக தெரிவித்த பக்தர்கள், இந்த இடத்தை சீரமைத்து பொதுமக்கள் வழிபட வசதிகள் செய்து தருமாறு சிவனடியார்கள் சார்பில் கோரிக்கை விடுக்கப்பட்டுள்ளது.