ரயிலில் அடிபட்டு 40 வயதுடைய ஆண் ஒருவர் சடலமாக கிடந்த சம்பவம் பரபரப்பை ஏற்படுத்தியுள்ளது.
திருப்பத்தூர் மாவட்டத்தில் உள்ள பச்சகுப்பம் மேல்பட்டி ரயில் நிலையத்தின் தண்டவாளத்தின் இடையே 40 வயதுடைய ஆண் ஒருவர் ரயிலில் அடிபட்டு இறந்து கிடந்துள்ளார். இதுபற்றி தகவல் அறிந்த ரயில்வே காவல்துறையினர் சம்பவ இடத்திற்கு விரைந்து சென்று ரயிலில் அடிபட்டு இறந்து கிடந்தவரின் உடலை மீட்டு பிரேத பரிசோதனைக்காக அரசு மருத்துவனைக்கு அனுப்பி வைத்துள்ளனர்.
இதனையடுத்து இறந்தவர் மாநிறம் உடையவர். நீல நிற டி-ஷர்ட்டும், சிமெண்ட் கலரில் கட்டம் போட்ட பேண்டும் அணிந்துள்ளார். இவர் யார், எந்த ஊரில் வசித்தவர் என்பது இதுவரை தெரியவில்லை. மேலும் இது குறித்து வழக்குப்பதிவு செய்த ரயில்வே காவல்துறையினர் தீவிர விசாரணை மேற்கொண்டு வருகின்றனர்.