ஓடும் ரயிலில் இருந்து வடமாநில வாலிபர் தவறி விழுந்து உயிரிழந்த சம்பவம் சோகத்தை ஏற்படுத்தியுள்ளது.
திருப்பத்தூர் மாவட்டத்தில் உள்ள வளத்தூர் ரயில் நிலையம் யார்டு பகுதியில் 37 வயதுடைய வாலிபர் ஒருவர் ஓடும் ரயிலில் இருந்து தவறி விழுந்து சம்பவ இடத்திலேயே பரிதாபமாக உயிரிழந்துள்ளார். இது பற்றி தகவல் அறிந்த ரயில்வே சப்-இன்ஸ்பெக்டர் ஸ்ரீதர் மற்றும் காவல்துறையினர் வழக்குப்பதிவு செய்து சம்பவ இடத்திற்கு விரைந்து சென்று உயிரிழந்தவரின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர்.
இதனை அடுத்து இறந்தவர் பற்றி ரயில்வே காவல்துறையினர் விசாரணை நடத்தியதில் அவர் உத்தரப்பிரதேச மாநிலத்தில் வசிக்கும் பிரேம் விகாரி என்பதும், இவர் பீகாரில் இருந்து பெங்களூர் சென்ற போது தவறி விழுந்து உயிரிழந்ததும் தெரியவந்துள்ளது. மேலும் இது குறித்து ரயில்வே காவல்துறையினர் தீவிர விசாரணை மேற்கொண்டு வருகின்றனர்.