ஜப்பான் நாட்டில் கடந்த 1998-ம் ஆண்டு சுமார் 24 வருடங்களுக்கு முன்பாக கே.எஸ் ரவிக்குமார் இயக்கத்தில் ரஜினி நடிப்பில் உருவான முத்து திரைப்படம் ரிலீஸ் ஆனது. இந்த படம் அங்கு அப்போதே 23.50 கோடி ரூபாய் வரை வசூல் சாதனை புரிந்து சூப்பர் ஹிட் ஆனது. இந்த படத்திற்குப் பிறகு ஏராளமான படங்கள் ஜப்பானிலும் வெளியானாலும் கூட ரஜினியின் முத்து பட சாதனையை முறியடிக்க வில்லை என்று தான் கூறப்பட்டது.
இந்நிலையில் கடந்த அக்டோபர் மாதம் 21-ம் தேதி ராஜமவுலி இயக்கத்தில் உருவான ஆர்ஆர்ஆர் திரைப்படம் ஜப்பான் நாட்டில் ரிலீஸ் ஆனது. இப்படம் ரிலீஸ் ஆகி சுமார் 54 நாட்களில் 24.10 கோடி ரூபாய் வரை வசூல் சாதனை புரிந்துள்ளதாக தகவல் வெளியாகியுள்ளது. மேலும் இதனால் ரஜினியின் முத்து பட சாதனையை தற்போது ஆர்ஆர்ஆர் படம் வீழ்த்தியுள்ளது.