ஓட்டுக்கு பணம் கொடுக்க கூடாது என்று ரஜினி மக்கள் மாவட்ட செயலாளர்களுக்கு எச்சரிக்கை விடுத்துள்ளார்.
தமிழக சட்டமன்றத் தேர்தல் நெருங்கிவரும் நிலையில் அரசியல் கட்சியினர் பரபரப்புடன் தங்களுடைய தேர்தல் பிரசாரத்தை தொடங்கி உள்ளனர். நேற்று முதல்வர் பழனிசாமி தன்னுடைய சொந்த ஊரிலிருந்து பிரச்சாரத்தை தொடங்கியுள்ளார். இதேபோன்று கமலும் தன்னுடைய பிரச்சாரத்தை தொடங்கி இருக்கிறார். இவ்வாறு தேர்தல் களம் சூடு பிடித்து வருகிறது. மேலும் ஒவ்வொரு அரசியல் கட்சியை சேர்ந்தவரும் ஒருவரை ஒருவர் குறை கூறிக் கொண்டிருக்கின்றனர்.
இந்நிலையில் பூத் கமிட்டி உறுப்பினர் நியமனத்துக்கு பணம் பெற்றால் நீக்கப்படுவார்கள் என்று ரஜினி மக்கள் மன்ற மாவட்ட செயலாளர்களுக்கு ரஜினிகாந்த் எச்சரிக்கை விடுத்துள்ளார். வரும் 25ம் தேதிக்குள் பூத் கமிட்டி உறுப்பினர் பட்டியலை ஒப்படைக்க வேண்டும் என்றும், ஓட்டுக்கு பணம் கொடுக்க கூடாது எனவும் நிர்வாகிகளுக்கு ரஜினி அறிவுறுத்தியுள்ளார்.