தமிழ் சினிமாவின் முன்னணி நடிகரான ரஜினிகாந்த் மக்களால் அன்போடு சூப்பர் ஸ்டார் என்று அழைக்கப்படுகிறார். இவர் கடைசியாக நடித்த திரைப்படம் அண்ணாத்த. இத்திரைப்படம் பாக்ஸ் ஆபிசில் சாதனை படைத்திருந்தாலும் ரசிகர்கள் எதிர்பார்ப்பினை பூர்த்தி செய்யவில்லை. இதனால் ரஜினி தனது அடுத்தபடத்திற்கு மிகவும் கவனமாக கதை கேட்டு வந்தார்.
இதன் விளைவாக கோலமாவு கோகிலா திரைப்படத்தின் மூலம் பிரபலமான இயக்குனர் நெல்சன் திலீப்குமாரின் கதை ரஜினிக்கு பிடித்துப்போனது. இதனால் தலைவர்-169 நெல்சன் திலீப்குமார் இயக்குகின்றார். இத்திரைப்படத்தை சன் பிக்சர்ஸ் தயாரிக்கின்றது. மேலும் அனிருத் இசையமைக்கின்றார்.
இந்நிலையில் இப்படத்தில் டைட்டில் குறித்து சமூக வலைத்தளங்களில் பிதிய அப்டேட் வெளியாகி உள்ளது. தலைவர் 169 திரைப்படம் பான் இந்தியா படமாக உருவாக உள்ளதால் இப்படத்திற்கு ஆங்கில வார்த்தையில் டைட்டில் வைக்க உள்ளதாக தகவல் வெளியாகியுள்ளது. இதற்கிடையில் சமீபத்தில் தலைவர் 169 பட அறிவிப்பிற்காண மோஷன் போஸ்டர் வெளியானது. இதனை தொடர்ந்து தென் இந்தியாவில் வெளியான படங்களின் அறிவிப்பில் ‘தலைவர் 169’ படம் 4 கோடி லைக்குகளை குவித்து புதிய சாதனை படைத்துள்ளது குறிப்பிடத்தக்கது.