விஜய் டிவியில் ஒளிபரப்பான கலக்கப்போவது யாரு, குக் வித் கோமாளி போன்ற நிகழ்ச்சிகள் மூலம் ரசிகர்கள் மத்தியில் பிரபலமானவர் ரக்ஷன். இவர் கடந்த 2019 ஆம் ஆண்டு தேசிங்கு பெரியசாமி இயக்கத்தில் வெளியான ‘கண்ணும் கண்ணும் கொள்ளையடித்தால்’ திரைப்படத்தில் முக்கிய கதாபாத்திரத்தில் நடித்து ரசிகர்களை கவர்ந்தார்.
இந்த படத்தில் இவரின் நடிப்பிற்கு ரசிகர்கள் மத்தியில் நல்ல வரவேற்பு கிடைத்தது. இதனையடுத்து தற்போது இயக்குனர் யோகேந்திரன் இயக்கத்தில் ரக்ஷன் புதிய படத்தில் நடித்து வருகிறார். இந்த படத்தில் கலக்கப்போவது யாரு தீனா, பிரான்ஸ்டர் ராகுல், விஷாகா டிமான் மற்றும் பலர் முக்கிய கதாபாத்திரத்தில் நடிக்கின்றனர்.
கோபி துரைசாமி இசையமைக்கும் இந்த படத்தின் படப்பிடிப்பு கன்னியாகுமரி போன்ற பகுதிகளில் நடைபெற்று வந்தது. இந்நிலையில், இந்த படம் குறித்த சூப்பரான அப்டேட் வெளியாகியுள்ளது. அதன்படி, இந்த படத்தின் படப்பிடிப்பு நிறைவு பெற்றுள்ளதாக படக்குழு அறிவிக்கப்பட்டுள்ளது.