ராணுவ அதிகாரி வீட்டில் கொள்ளை முயற்சியில் ஈடுபட்ட மர்ம நபர்களை காவல்துறையினர் வலைவீசி தேடி வருகின்றனர்.
திருநெல்வேலி மாவட்டத்திலுள்ள பாப்பாக்குடி பகுதியில் ஒய்வு பெற்ற ராணுவ அதிகாரியான முத்துராஜ் என்பவர் வசித்து வருகிறார். இவர் கடந்த சில நாட்களுக்கு முன்பு வெளியூரில் உள்ள மகனின் வீட்டிற்கு சென்று விட்டு நேற்று முன்தினம் இரவு வீட்டிற்கு திரும்பி வந்துள்ளார். இந்நிலையில் முத்துராஜின் வீட்டில் திருடுவதற்காக வந்த மர்மநபர்கள் கதவை உடைக்க முயன்றனர்.
அப்போது சத்தம் கேட்டு வீட்டில் இருந்தவர்கள் கூச்சலிட்டதால் மர்ம நபர்கள் அங்கிருந்து தப்பி சென்றுள்ளனர். இதுகுறித்து முத்துராஜ் பாப்பாக்குடி காவல் நிலையத்தில் புகார் அளித்துள்ளார். அந்த புகாரின்பேரில் வழக்குப்பதிவு செய்த காவல்துறையினர் கொள்ளை முயற்சியில் ஈடுபட்ட மர்ம நபர்களை வலைவீசி தேடி வருகின்றனர்.