ரஷ்யா உருவாக்கி உள்ள கொரோனா தடுப்பூசியை வாங்க டெல்லியில் இன்று நடைபெறவுள்ள வல்லுநர் கூட்டத்தில் முக்கிய முடிவு எடுக்கப்படும் என மத்திய சுகாதாரத்துறை செயலாளர் தெரிவித்துள்ளர்.
டெல்லியில் செய்தியாளர்களிடம் பேசிய மத்திய சுகாதாரத்துறை செயலாளர் ராஜேஷ் பூஷன் நாட்டில் கொரோனாவால் ஏற்படும் உயிரிழப்பு, இரண்டு சதவீதத்திற்கும் கீழ் குறைந்துள்ளதாக தெரிவித்துள்ளர். மேலும் கொரோனா தடுப்பூசி குறித்து இன்று வல்லுநர்கள் குழு ஆலோசனைக் கூட்டம் நடைபெறுவதாகவும், அந்தக் கூட்டத்தில் ரஷ்ய அறிவித்துள்ள கொரோனா தடுப்பூசியை வாங்குவது குறித்து முக்கிய முடிவு எடுக்கப்பட உள்ளதாகவும் கூறினார்.
தடுப்பூசி குறித்து இந்தியாவில் உள்ள உற்பத்தி நிறுவனங்கள் மற்றும் மாநில அரசுகளுடன் கலந்து ஆலோசிக்கப்படும் என்றும் மத்திய சுகாதாரத்துறை செயலாளர் திரு. ராஜேஷ் பூஷன் மேலும் தெரிவித்தார்.