ராட்சசன் பட பாணியில் சிறுமியின் பற்கள் நொறுக்கப்பட்டு கொலை செய்யப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது.
கொல்கத்தா மாநிலத்தில் குடும்பத்தோடு வசித்து வந்த 8 வயது சிறுமி அந்த பகுதியில் உள்ள பள்ளியில் 3ஆம் வகுப்பு படித்து வந்துள்ளார். இந்நிலையில் அந்த சிறுமி சம்பவத்தன்று அந்த பகுதியில் உள்ள தன்னுடைய மாமா வீட்டிற்கு அக்காவுடன் சென்றுள்ளார். இதையடுத்து அந்த பகுதியில் மாலை வரை விளையாடிக் கொண்டிருந்த சிறுமி திடீரென காணாமல் போயுள்ளார். உடனே அக்கம் பக்கத்தில் தேடியும் எங்கும் கிடைக்கவில்லை. அதனால் அருகில் இருந்த காவல் நிலையத்தில் பெற்றோர் புகார் கொடுத்துள்ளனர் அதன்பேரில் காவல்துறையினர் சிறுமியை தேடும் பணியில் ஈடுபட்டு வந்துள்ளனர். அப்போது அதே பகுதியில் உள்ள பழைய கட்டடத்தின் மூன்றாவது தளத்தில் சிறுமி சடலமாக கிடந்துள்ளார்.
கொல்லப்பட்ட சிறுமி ஆடைகள் கிழிந்த நிலையில், தொண்டை கத்தியால் கிழிக்கப்பட்டு, பற்கள் அடித்து நொறுக்கப்பட்டு இருந்துள்ளது. எனவே சிறுமி கொல்லப்படுவதற்கு முன்னர் பாலியல் பலாத்காரம் செய்யப்பட்டு இருக்கலாம் என்ற கோணத்தில் காவல்துறையினர் விசாரணை நடத்தி வந்துள்ளனர். இதையடுத்து அந்த கட்டடத்தின் காவலாளியாக பணியாற்றி வந்த ராம் குமார்(43) என்பவரை கைது செய்துள்ளனர். அவரிடம் விசாரித்ததில் பீகாரை சேர்ந்த ஒருவரோடு சேர்ந்து சிறுமியை கடத்தி கூட்டு பலாத்காரம் செய்து பின்னர் கொடூரமாக கொலை செய்தது தெரிய வந்துள்ளது.
இதையடுத்து இருவரையும் கைது செய்த காவல்துறையினர் சிதறி கிடந்த சிறுமியின் பற்கள், கத்தி ஆகியவற்றை தடயவியல் பரிசோதனைக்கு அனுப்பி வைத்துள்ளனர். மேலும் சிறுமியின் சடலம் பிரேத பரிசோதனைக்காக அரசு மருத்துவமனைக்கு அனுப்பி வைக்கப்பட்டுள்ளது. மேற்கொண்ட ஆய்வுகள் வந்தவுடன் கூடுதல் தகவல்கள் தெரிவிக்கப்படும் என்று கொல்கத்தா காவல்துறையினர் தெரிவித்துள்ளனர். இந்நிலையில் ராட்சசன் பட பாணியில் சிறுமியின் பற்கள் அடித்து நொறுக்கப்பட்டு கொல்லப்பட்ட சம்பவம் பெரும் அதிர்ச்சியை ஏற்படுத்தியுள்ளது.