பெங்களூரில் இருக்கும் சில முக்கிய பகுதிகளில் உள்ள போக்குவரத்து சிக்னலில் இருக்கும் சிவப்பு நிற ஒளி விளக்குகள் மாற்றப்பட்டுள்ளது. அதாவது சிவப்பு நிற ஒளி விளக்குகளை அகற்றிவிட்டு அதற்கு பதிலாக ஹார்டின் போன்று வடிவத்தில் இருக்கும் விளக்குகளை பொருத்தியுள்ளனர். இந்த ஹார்டின் போன்ற வடிவத்தில் இருக்கும் விளக்குகளை வாகன ஓட்டிகள் ஆச்சரியத்தோடு பார்த்து செல்வதோடு அது தொடர்பான புகைப்படத்தை இணையதளத்தில் பகிர்ந்து வருகின்றனர். சிலர் ஆச்சரியப்பட்டாலும் எதற்காக சிவப்பு நிற விளக்குகள் ஹார்ட்டின் வடிவத்தில் மாற்றப்பட்டுள்ளது என்று கேள்வி எழுப்பி வருகின்றனர்.
இது குறித்து ஒரு மருத்துவமனையின் டுவிட்டர் பக்கத்தில் விளக்கம் அளிக்கப்பட்டுள்ளது. அதாவது உலக இருதய தினத்தை முன்னிட்டு சிவப்பு நிற விளக்குகள் ஹார்ட்டின் வடிவத்தில் மாற்றப்பட்டுள்ளது. அதோடு வாகன ஓட்டிகள் பயனடையும் விதமாக ஒவ்வொரு சிக்னலிலும் இதய நலன்கள் குறித்த தகவல்களை ஒலிபெருக்கிகள் மூலம் அறிவிப்பதாகவும் கூறப்பட்டுள்ளது. மேலும் ஹார்டின் வடிவத்தில் மாற்றப்பட்ட விளக்குகளின் புகைப்படங்கள் தற்போது இணையத்தில் வைரலாகி வருகிறது.