தமிழக தேர்தல் ஆணையம் சட்டப்பேரவை தேர்தலுக்கான தேர்தல் நெறிமுறைகளை வெளியிட்டுள்ளது.
தமிழக சட்டப்பேரவைத் தேர்தல் வரும் 2021-ஆம் வருடம் நடைபெற உள்ளது. இதற்கு இன்னும் சில மாதங்களே உள்ளன. அதற்கான ஆயத்தப் பணிகளை தேர்தல் ஆணையம் தற்போது மேற்கொண்டு வருகிறது. முன்னதாக தமிழக அரசியல் கட்சிகளும், தங்கள் சார்பில் தேர்தல் பிரசாரங்களை ஆரம்பித்து உள்ளன. பல சினிமா நடிகர்களும் அரசியலில் இறங்கியுள்ளனர். இதனால் தமிழகத்தில் தேர்தல் களம் சூடுபிடித்துள்ளது.
இந்நிலையில் தமிழக தலைமை தேர்தல் ஆணையம் நெறிமுறைகளை வகுத்துள்ளது. ஆறு மாதங்களில் ஓய்வு பெற உள்ள அதிகாரிகளுக்கு தேர்தல் பணிகள் வழங்கக்கூடாது. தேர்தல் பணிகளில் ஈடுபடும் அதிகாரிகள் அவர்களின் சொந்த மாவட்டங்களில் பணியாற்றக்கூடாது. முந்தைய தேர்தல்களில் ஒழுங்கீன செயல்களில் சிக்கிய அதிகாரிகளை நியமிக்க கூடாது ஆகிய உத்தரவுகளை உத்தரவை தமிழக அரசுக்கு பிறப்பித்துள்ளது.