உத்தரப்பிரதேசத்தைச் சேர்ந்த பெண்ணை அவுரங்காபாத்தில் ஈவ்டீசிங் செய்ததால் சாலை விபத்து ஏற்பட்டு உயிரிழந்துள்ளார்.
உத்தரப்பிரதேசத்தின் புலாந்த்ஷாகர் பகுதியில் வசித்து வந்த சுதிக்ஷா பாட்டி என்ற பெண் உயிரிழந்ததற்கு ஈவ்டீசிங் தான் காரணம் என அப்பெண்ணின் குடும்பத்தினர் குற்றம் சாட்டியுள்ளனர். தனது தாய் மாமாவுடன் பைக்கில் சென்று கொண்டிருந்த சுதிக்ஷா என்ற பெண்ணை பின் தொடர்ந்து இரண்டு இளைஞர்கள் வந்துள்ளனர்.
பின் தொடர்ந்த இளைஞர்கள் சுதிக்ஷாவை ஈவ்டீசிங் செய்ததால், விபத்து ஏற்பட்டு அவர் உயிரிழந்துள்ளார் என சுதிக்ஷாவின் உறவினர்கள் கூறியுள்ளனர். மேலும் இது தொடர்பாக வழக்குப் பதிவு செய்த போலீசார், ஈவ்டீசிங் செய்த இளைஞர்களை தேடி வருகின்றனர். ஆனாலும் இந்த சம்பவம், ஈவ்டீசிங் மூலம் நடக்கவில்லை என்று மாவட்ட ஆட்சியர் கூறியுள்ளார்.