இருசக்கர வாகனம் மீது கார் மோதிய விபத்தில் ஆசிரியை உயிரிழந்த சம்பவம் சோகத்தை ஏற்படுத்தியுள்ளது.
விருதுநகர் மாவட்டத்தில் உள்ள பாலாஜி நகரில் தாமோதரன் என்பவர் வசித்து வருகிறார். இவருக்கு விஜயமாலினி என்ற மனைவி இருந்துள்ளார். இவர் அரசு பள்ளியில் ஆசிரியையாக பணிபுரிந்து வந்துள்ளார். கடந்த 20 – ஆம் தேதியன்று விஜயமாலினி தனது இருசக்கர வாகனத்தில் பள்ளிக்கு சென்று கொண்டிருந்தார். அப்போது அந்த வழியாக வந்த கார் விஜயமாலினியின் இரு சக்கர வாகனம் மீது மோதிய விபத்து நேர்ந்துள்ளது.
இந்த விபத்தில் விஜயமாலினி சம்பவ இடத்திலேயே பரிதாபமாக உயிரிழந்துவிட்டார். இது குறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று விஜயமாலினியின் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.