அடையாளம் தெரியாத வாகனம் மோதி வாலிபர் உயிரிழந்த சம்பவம் சோகத்தை ஏற்படுத்தியுள்ளது.
விருதுநகர் மாவட்டத்தில் உள்ள புத்தூர் காட்டுநாயக்கர் பகுதியில் கருப்பு அழகு என்பவர் வசித்து வந்துள்ளார். இவர் தளவாய்புரம் பகுதியில் உள்ள ஒரு வெல்டிங் பட்டறையில் கூலி வேலை பார்த்து வந்துள்ளார். இந்நிலையில் கருப்பு அழகு தனது சைக்கிளில் வேலையை முடித்து விட்டு வீட்டிற்கு சென்று கொண்டிருந்தார்.
அப்போது இரட்டைப் பாலம் அருகே அடையாளம் தெரியாத வாகனம் கருப்பு அழகின் சைக்கிள் மீது மோதி விபத்து நேர்ந்துள்ளது. இந்த விபத்தில் கருப்பு அழகு சம்பவ இடத்திலேயே பரிதாபமாக உயிரிழந்துவிட்டார். இது குறித்து தகவல் அறிந்த காவல்துறையினர் கருப்பு அழகின் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.