மோட்டார் சைக்கிள் மீது கார் மோதிய விபத்தில் பெண் உயிரிழந்த சம்பவம் சோகத்தை ஏற்படுத்தியுள்ளது.
திருவண்ணாமலை மாவட்டத்தில் உள்ள புஷ்பகிரி கிராமத்தில் விவசாயியான பழனி என்பவர் வசித்து வருகிறார். இவருக்கும் பாக்கியம்மாள் என்ற மனைவி இருந்துள்ளார். கடந்த அக்டோபர் 22 – ஆம் தேதியன்று கணவன் மனைவி இருவரும் தங்களது மோட்டார் சைக்கிளில் கல்லாங்குத்து பகுதியில் உள்ள நிலத்துக்கு சென்றுள்ளனர். அப்போது அந்த வழியாக எதிரே வந்த கார் பழனியின் மோட்டார் சைக்கிளின் மீது மோதி விபத்து நேர்ந்துள்ளது.
இந்த விபத்தில் பாக்கியம்மாள் சம்பவ இடத்திலேயே பரிதாபமாக உயிரிழந்துவிட்டார். மேலும் பழனி பலத்த காயமடைந்துள்ளார். இதனை பார்த்ததும் அருகில் உள்ளவர்கள் பழனியை மீட்டு சிகிச்சைக்காக அரசு மருத்துவமனைக்கு அனுப்பி வைத்துள்ளனர். அங்கு மருத்துவர்கள் பழனிக்கு தீவிர சிகிச்சை அளித்து வருகின்றனர். இது குறித்து தகவல் அறிந்த காவல்துறையினர் பாக்கியம்மாளின் உடலை கைப்பற்றி பிரேத பரிசோதனைக்கு அனுப்பி வைத்துள்ளனர். மேலும் இச்சம்பவம் குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.