சாலை விபத்தில் வாலிபர்கள் உயிரிழந்த சம்பவம் சோகத்தை ஏற்படுத்தியுள்ளது.
திருவண்ணாமலை மாவட்டத்தில் உள்ள ஆர்ப்பாக்கம் பகுதியில் ராஜேஷ் என்பவர் வசித்து வருகிறார். இவருக்கு ரங்கசாமி, அபிஷேக் என்ற இரு நண்பர்கள் இருந்துள்ளனர். இதனை அடுத்து தீபாவளி பண்டிகையையொட்டி ரங்கசாமி, அபிஷேக் ஆகியோர் ராஜேஷின் வீட்டிற்கு சென்றிருந்தனர். கடந்த நவம்பர் 6 – ஆம் தேதியன்று மூவரும் இருசக்கர வாகனத்தில் புனல்காடு பகுதிக்கு சென்று கொண்டிருந்தனர்.
அப்போது எதிரே வந்த ஆறுமுகம் என்பவரின் இருசக்கர வாகனம் ராஜேஷின் வாகனத்தில் மீது மோதி விபத்து நேர்ந்துள்ளது. இந்த விபத்தில் ரங்கசாமி, ஆறுமுகம் ஆகியோர் சம்பவ இடத்திலேயே பரிதாபமாக உயிரிழந்து விட்டார். மேலும் ராஜேஷ், அபிஷேக் பலத்த காயமடைந்துள்ளார். இது குறித்து தகவல் அறிந்த காவல்துறையினர் ரங்கசாமி மற்றும் ஆறுமுகத்தின் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் பலத்த காயமடைந்த ராஜேஷ், அபிஷேக் இருவருக்கும் மருத்துவர்கள் தீவிர சிகிச்சை அளித்து வருகின்றனர். இச்சம்பவம் குறித்து வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.