லண்டனில் மர்ம நபர் ஒருவர் சாலையில் சென்றுகொண்டிருந்தவர் மீது ஸ்ப்ரே அடித்து திருட முயன்ற சம்பவம் தொடர்பில் முக்கிய தகவல் வெளியிடப்பட்டுள்ளது.
லண்டனில் உள்ள ஹொல்போர்ன் நகரில் கடந்த ஏப்ரல் மாதம் 13 ஆம் தேதி அன்று மதியம் ஒருவர் சாலையில் நடந்து சென்று கொண்டிருந்துள்ளார். அப்போது திடீரென்று அங்கு வந்த மர்மநபர் ஒருவர் அவரை இழுத்து முகத்தில் ஸ்ப்ரே அடித்திருக்கிறார். இதில் நிலை தடுமாறிய அவர் கீழே விழுந்திருக்கிறார்.
அப்போது அந்த மர்மநபருடன் காவல்துறை அதிகாரி போல் தன்னை காட்டிக் கொண்ட மற்றொரு நபரும் சேர்ந்து அவரிடமிருந்த பொருட்களை பறிக்க முயன்றுள்ளனர். ஆனால் காவல்துறையினர் வருவதை கண்டு அங்கிருந்து தப்பி சென்றிருக்கின்றனர். அதன்பிறகு சம்பவ இடத்திற்கு வந்த காவல்துறையினர் கீழே கிடந்த நபரை, மருத்துவமனைக்கு அழைத்து சென்றுள்ளனர். தற்போது இக்கொள்ளை சம்பவத்தில் ஈடுபட்ட இரண்டு நபர்களின் புகைப்படங்களும் வெளியிடப்பட்டிருக்கிறது.