ஆசிரியர் வீட்டில் நகை திருடியவர் காவல்துறையினரால் கைது செய்யப்பட்டுள்ளார்.
தென்காசி மாவட்டத்திலுள்ள பாவூர்சத்திரம் பகுதியில் பாலசுப்பிரமணியன் என்பவர் தனது குடும்பத்துடன் வசித்து வருகிறார். இவர் அப்பகுதியில் உள்ள ஒரு தனியார் பள்ளியில் ஆசிரியராக பணிபுரிந்து வருகிறார். இந்நிலையில் இவரது வீட்டில் கடந்த 6 ஆம் தேதி மர்ம நபர் வீட்டின் கதவை உடைத்து பீரோவில் வைக்கப்பட்டிருந்த 2 1/2 பவுன் தங்க நகையை திருடித் தப்பிச் சென்றுள்ளார்.
இந்த சம்பவம் தொடர்பாக பாலசுப்பிரமணியன் பாவூர்சத்திரம் காவல் நிலையத்தில் புகார் அளித்துள்ளார். இந்த புகாரின் பேரில் காவல்துறையினர் வழக்குப்பதிவு செய்து விசாரணை நடத்தி வந்தனர். இந்த விசாரணையில் பாபு என்பவர் பாலசுப்பிரமணியன் வீட்டில் நகையை திருடியது தெரியவந்துள்ளது. இதனையடுத்து காவல்துறையினர் அவரை கைது செய்து அவரிடம் இருந்த நகைகளை மீட்டுள்ளனர். மேலும் பாபு வேறெங்கும் கொள்ளை சம்பவத்தில் ஈடுபட்டுள்ளாரா என காவல்துறையினர் தீவிர விசாரணை நடத்தி வருகின்றனர்.