கோடியக்கரை புதிய கலங்கரை விளக்கம் பகுதிக்கு நீரிலும் நிலத்திலும் செல்லக்கூடிய ரோவர் கிராப்ட் கப்பல் வந்துள்ளது.
நாகை மாவட்டத்தில் வேதாரண்யம் கோடியக்கரை பகுதிக்கு ரோவர் கிராப்ட் கப்பல் வந்துள்ளது. இந்த கப்பல் நீரிலும் நிலத்திலும் செல்லும் தன்மை கொண்டது.
இந்நிலையில் நாகை மாவட்டத்தில் உள்ள ஆறுகாட்டுத்துறை, புஷ்பவனம், வேதாரண்யம், விழுந்தமாவடி, செருதூர், கீச்சாங்குப்பம், அக்கரைப்பேட்டை போன்ற பல மீனவ கிராமங்கள் வழியாக இலங்கைக்கு கஞ்சா, மஞ்சள் முட்டைகள் கடத்தப்படுவதை தடுக்கவும் தீவிரவாதிகள் ஊடுருவலை தடுக்கவும் இந்திய கப்பல் படை சார்பில் தரையிலும் நீரிலும் செல்லக்கூடிய ரோவர் கிராப்ட் கப்பல் ஜலசந்தி வங்காளவிரிகுடா கடல் பகுதியில் தீவிர ரோந்து பணியில் ஈடுபட்டு வருகின்றது.
இந்த நிலையில் அந்த ரோவர் கிராப்ட் கப்பல் ஓய்வுக்காக கோடியக்கரை புதிய கலங்கரை விளக்கம் பகுதியில் நிறுத்தப்பட்டுள்ளது. இதில் உள்ள வீரர்கள் விமானப்படை முகாமில் தங்கி ஓய்வெடுத்த பின்னர் மீண்டும் ரோந்து பணியில் ஈடுபடுவார்கள் என கூறப்பட்டுள்ளது.