ஜோஸ் பட்டலரின் அதிரடி ஆட்டத்தால் ,220 ரன்களை ராஜஸ்தான் அணி குவித்துள்ளது .
2021 ம் ஆண்டிற்கான ஐ.பி.எல் தொடரின் , 28 வது லீக் போட்டியில், ராஜஸ்தான் ராயல்ஸ் – சன்ரைசர்ஸ் ஹைதராபாத் அணிகள் மோதுகின்றன . இந்த போட்டி டெல்லி அருண் ஜெட்லி ஸ்டேடியத்தில், நடைபெற்று வருகிறது . இதில் டாஸ் வென்ற சன்ரைசர்ஸ் ஹைதராபாத் அணி , பீல்டிங்கை தேர்வு செய்ததால்,ராஜஸ்தான் அணி பேட்டிங்கில் களமிறங்கியது .தொடக்க வீரர்களாக ஜோஸ் பட்டலர் – ஜெய்ஸ்வால் ஜோடி களமிறங்கியது .இதில் ஜெய்ஸ்வால் 2 பவுண்டரி அடித்து 12 ரன்களில் வெளியேற ,அடுத்ததாக கேப்டன் சஞ்சு சாம்சன் களமிறங்கினார் . இருவரின் பாட்னர்ஷிப் சிறப்பான ஆட்டத்தை வெளிப்படுத்தியது .
குறிப்பாக ஜோஸ் பட்டலர் அதிரடி ஆட்டத்தை காட்டினார். இவர் 64 பந்துகளில்11 பவுண்டரி , 8 சிக்ஸர்களை அடித்து விளாசினார் .சஞ்சு சாம்சன் 33 பந்துகளில் 4 பவுண்டரி , 2 சிக்ஸர்களை அடித்தார் . இதில் சஞ்சு சாம்சன் 48 ரன்களில் வெளியேற ,அடுத்ததாக ரியான் பராக் களமிறங்கினார் . அதிரடியாக விளையாடி வந்த ஜோஸ் பட்டலர் 124 ரன்களை எடுத்து ,சந்தீப் சர்மா பந்து வீச்சில் ஆட்டமிழந்தார் . இறுதியாக ராஜஸ்தான் அணி 20 ஓவர் முடிவில் 3 விக்கெட் இழப்பிற்கு 220 ரன்களை குவித்துள்ளது .அடுத்து களமிறங்கி உள்ள ஹைதராபாத் அணி 221 ரன்களை வெற்றி இலக்காக கொண்டு விளையாடி வருகிறது .