ரஷ்யா உலக நாடுகளுக்கு பிரிட்டன் போன்று எங்களிடம் வம்பு வைத்தால் கடும் விளைவுகளை சந்திப்பீர்கள் என்று எச்சரித்திருக்கிறது.
ரஷ்யாவின் எல்லைக்குள் பிரிட்டன் போர்க்கப்பல் நுழைந்திருக்கிறது. எனவே ரஷ்ய போர்க் கப்பல், எச்சரிப்பதற்காக துப்பாக்கி சூடு தாக்குதல் நடத்தியுள்ளது. மேலும் பிரிட்டன் போர்க்கப்பல் செல்லும் வழியில் வெடிகுண்டை வீசியுள்ளது. எனவே பிரிட்டன் போர்க்கப்பல் ரஷ்ய எல்லையை விட்டு வெளியேறி சென்றது.
இதுகுறித்து ரஷ்யாவில் இருக்கும் பிரிட்டன் தூதரகத்திற்கு சம்மன் அனுப்பியுள்ளதாக தெரிவிக்கப்பட்டிருந்தது. இந்நிலையில் ரஷ்யாவின் வெளியுறவுத்துறை அமைச்சரான Sergei Ryabkov, பிரிட்டன் போர்க்கப்பல் போன்று வேறு எந்த நாட்டின் கப்பலாவது எல்லைமீறி வந்து எங்களிடம் வம்பு வைத்தால் கடும் விளைவுகளை சந்திப்பீர்கள் என்று எச்சரித்திருக்கிறார்.
மேலும் எங்கள் நாட்டின் பாதுகாப்பு முக்கியமானது. அமைதி வழி பயன்படாத பட்சத்தில் ஆயுதப் படைகளை வைத்து எங்களின் எல்லைகளை பாதுகாக்க வேண்டிய நிலை ஏற்படும். இது பிற நாடுகளுக்கு புரியவில்லை எனில் நாங்கள் கப்பல் செல்லும் வழியில் மட்டுமல்லாமல் கப்பல் மீதே வெடிகுண்டு வீசிவிடுவோம் என்று பகிரங்கமாக எச்சரிக்கை விடுத்திருக்கிறார்.