வெங்கடேச பெருமாள் கோவிலில் புத்தாண்டை முன்னிட்டு அதிகமான பக்தர்கள் சாமியை தரிசனம் செய்ய வந்துள்ளனர்.
ராணிப்பேட்டை மாவட்டத்தில் உள்ள திருப்பாற்கடல் பகுதியில் பிரசன்ன வெங்கடேச பெருமாள் கோவில் அமைந்திருக்கிறது. இந்நிலையில் இங்கு பெருமாளை ஒருசேர தரிசித்தால் சித்திரகுப்தன் எழுதி வைத்த பாவங்கள் விமோசனம் கிடைக்கும் என்பது கோவிலில் ஐதீகமாக இருக்கிறது. அதன்பின் கோவிலில் லிங்க அடிபாகத்தின் மீது பிரசன்ன வெங்கடேச பெருமாள் எழுந்தருளி பக்தர்களுக்கு அருள்பாலித்துள்ளார்.
இதனை அடுத்து ஆங்கில புத்தாண்டு மற்றும் மார்கழி மாத பூஜை தரிசனம் நடைபெற்றுள்ளது. பின்னர் பெருமாளுக்கு ஆராதனை மற்றும் சிறப்பு அபிஷேகம் நடைபெற்றது. இதில் பல வண்ண மலர் மாலைகளால் மூலவர் அலங்கரிக்கப்பட்டு பக்தர்களுக்கு அருள்பாலித்தார். இவற்றில் பொதுமக்கள் நீண்ட வரிசையில் காத்திருந்து பெருமாளை தரிசனம் செய்து சென்றுள்ளனர்.
இதனை தொடர்ந்து போகி பண்டிகையையுடன் இணைந்து வைகுண்ட ஏகாதசி வருகின்ற காரணத்தினால் பக்தர்கள் கூட்டம் அதிகமாக வர வாய்ப்பு இருப்பதாக எதிர்பார்க்கப்படுகிறது. மேலும் கூட்ட நெரிசலை தவிர்க்க இந்து சமய அறநிலையத்துறை அதிகாரிகள் முன்கூட்டியே உரிய நடவடிக்கை எடுக்க வேண்டும் என்று பக்தர்கள் கோரிக்கை விடுத்துள்ளனர்.