சச்சினுக்கு அடுத்த இடத்தை பிடித்து …. சாதனை படைத்த ஜேம்ஸ் ஆண்டர்சன்….!!!

இங்கிலாந்து கிரிக்கெட் அணியின் வேகப்பந்து வீச்சாளர் ஜேம்ஸ் ஆண்டர்சன் டெஸ்ட் கிரிக்கெட்டியில் வரலாற்று சாதனை படைத்துள்ளார்.

இங்கிலாந்து – ஆஸ்திரேலியா அணிகளுக்கு இடையிலான 5 போட்டிகள் கொண்ட ஆஷஸ் டெஸ்ட் தொடர் நடைபெற்று வருகிறது. இதில் இரு அணிகளுக்கிடையே நடந்த 3 போட்டிகளில் ஆஸ்திரேலிய அணி வெற்றி பெற்று தொடரை கைப்பற்றியது. இரு அணிகளுக்கு இடையேயான     4-வது டெஸ்ட் போட்டி நடைபெற்றது. இப்போட்டியில் இங்கிலாந்து அணியின் வேகப்பந்து வீச்சாளர் ஜேம்ஸ் ஆண்டர்சன் பங்கேற்றதன் மூலம் மிகப்பெரிய வரலாற்று சாதனை படைத்துள்ளார்.

இப்போட்டி அவருக்கு 169-வது டெஸ்ட் போட்டியாகும்.இதன் மூலம் அதிக டெஸ்ட் கிரிக்கெட் விளையாடிய வீரர்களின் பட்டியலில் இந்திய அணியின் முன்னாள் வீரர் சச்சின் டெண்டுல்கர் 200 போட்டிகளில் விளையாடி உள்ளார். இதைத் தொடர்ந்து ஆஸ்திரேலிய அணியின் முன்னாள் வீரர்கள் ரிக்கி பாண்டிங் ,ஸ்டீவ் வாக் ஆகியோர் 168 போட்டிகளில் விளையாடி உள்ளனர். இந்த நிலையில் ஜேம்ஸ் ஆண்டர்சன் 169-வது டெஸ்ட் போட்டியில் விளையாடியதன் மூலம் 2-வது இடத்தை பிடித்து அதிக டெஸ்ட் கிரிக்கெட்டில் விளையாடிய இரண்டாவது வீரர் என்ற சாதனையை படைத்துள்ளார்.