இங்கிலாந்து சுற்றுப்பயணம் மேற்கொண்டு , இந்திய அணி விளையாட உள்ள டெஸ்ட் போட்டிகளில் மற்றொரு விக்கெட் கீப்பர் கே.எஸ்.பரத் இடம்பிடித்துள்ளார்.
இங்கிலாந்தில் சுற்றுப்பயணம் மேற்கொண்டு ,இந்திய அணி உலக டெஸ்ட் சாம்பியன்ஷிப் இறுதிப்போட்டி மற்றும் இங்கிலாந்துக்கு எதிரான 5 போட்டிகள் கொண்ட டெஸ்ட் தொடரில் விளையாட உள்ளது. இதில் இந்திய அணியின் விக்கெட் கீப்பராக ரிஷப் பண்ட் மற்றும் விருத்திமான் சஹா ஆகியோர் இடம்பிடித்துள்ளனர். ஆனால் ஐபிஎல் தொடரில் கொரோனா தொற்றால் பாதிக்கப்பட்ட விருத்திமான் சஹா, தற்போது தொற்றிலிருந்து குணம் அடைந்துள்ளார்.
இதனால் அவர் இங்கிலாந்து தொடரில் ஒருவேளை பங்கேற்க முடியவில்லை என்றால், அவருக்கு மாற்றாக கே.எஸ்.பரத் விக்கெட் கீப்பராக இந்திய அணியில் சேர்க்கப்பட்டுள்ளார். ஆந்திர மாநிலத்தை சேர்ந்த 27 வயதான கே.எஸ்.பரத் முதல்தர கிரிக்கெட் போட்டிகளில், அதிக வருடம் விளையாடியுள்ளார். 78 போட்டிகளில் விளையாடிய இவர், 4283 ரன்களை எடுத்துள்ளார். அதோடு 123 இன்னிங்சில் 9 சதங்களும், 23 அரை சதங்களும் அடித்து விளாசியுள்ளார். 2015 ம் ஆண்டு நடைபெற்ற முதல்தர கிரிக்கெட் போட்டியில் ,முச்சதம் அடித்த முதல் இந்திய விக்கெட் கீப்பர் என்ற பெருமையை பெற்றுள்ளார்.